Category: Cool/Decent SMS, Islamic SMS | Total views: 71 | characters: 934


Sachaa ye waaqiya hai azaan-e-Bilaal ka!
Ek din Rasool-e-Paak se logon ne yun kahaa
Ya Mustafa azaan ghalat dete hain Bilaal!
Kahiye huzoor Aapka is mein hai kya khayaal!
Farmaaya Mustafa ne ye sach hai to dekhiye!
Waqt-e-sahar ki aaj azaan aur koi de!
.
Hazrat Bilaal ne jo azaan-e-sahar na di
Khudrat Khuda ki dekho na mutlaq sahar hui!
.
Aaye Nabi ke paas kuchh as haab-e-baasabaa
Ki arz Mustafa se ay Shah-Ambiya
Hai kya sabab sahar na hui aaj Mustafa
Jibreel laaye aise mein payghaam-e-Kibriya
Pehle to Mustafa ko adab se kiya salaam
Baad as salaam unko Khuda ka diya payaam
.
Yun Jibraeel ne kahaa Khair ul Anaam se!
Allah ko hai pyar tumhaare ghulaam se!
Farmaa raha hai aap se ye Rabb-e-Zuljalaal!
Hogi na subha dengey na jab tak azaan Bilaal!
.
Aashiq-e-mustafa ki azaan mein Allah Allah kitna asar thha!
Arsh waale bhi sunte thhey jisko!
Kya azaan thi azaan-e-bilaali!
Kya azaan thi azaan-e-bilaali!