Yeh zehmat bhi Toh Rafta Rafta Rehmat Ho Hi Jati Hai,
Musalsal Gham Se Gham Sehnay Ki Adat Ho Hi Jati Hai,
.
Maseeha Ho Agar Tumse To Zarurat Kiya Hai Marham Ki,
K Kaanton Se bhi Zakhmon Ki Jarahat Ho Hi Jati Hai,
.
Talluk Jin Se Ho Gehra Un Pe Baat Aaya Hi Karti Hai,
Muhabbat Jinse Ho Un Se Shikayat Ho Hi Jati Hai,
.
Yeh Zaruri To Nahi K Sooraj Sawa naze Par Aajaye,
Badal jaye Jab Koi To Qayamat Ho Hi Jati Hai……!!!!
Shakal us ki thi dilbaron jaisi
Khu thi lykin sitam garon jaisi
.
Us ke lab they sakoot ke dariya
Us ki ankhen sukhanwaron jaisi
.
Meri parwaz-e-jan main hayel hai
Sans totay hue paron jaisi
.
Dil ki basti main ronaqen hain magar
Chand ujraye hue gharon jaisi
.
Kon daikhay ga ab saleebon par
Suratain wo Paighambaron jaisi
.
Meri duniya ke badshahon ki
Adatain hain gadagaron jaisi
.
Rukh pe sehra hain piyas ke Mohsin
Dil main lehrain samundaron jaisi…!
Iqraar Gaye, Inkaar Gaye, Hum Haar Gaye
Aankhon Say Sab Aasaar Gaye, Hum Haar Gaye
.
.
Kuch Yaadein Uss Ki Beech Samander Doob Gayeen
Kuch Sapney Reh Uss Paar Gaye, Hum Haar Gaye
.
.
Ikk Umr Rahey Hain Jeet Say Be-perwah Lekin
Jab Jeetna Chaaha, Haar Gaye Hum Haar Gaye
.
.
Yoon Uljhey Duniya Ke Dukh Mein Be-sudh Ho Ker
Sab Jhootey Sachey Pyaar Gaye, Hum Haar Gaye
.
.
Pehley To Preet Mein Apney Aap Say Door Huwey
Phir Yaar Gaye, Dildaar Gaye, Hum Haar Gaye !
Meri ratoon ki rahat din ka itminaan lay jana ,
Tumharay kaam aa jae ga , yeh saman lay jana
-
Tumharay baad kia rkhna ana say wasta koi ?
Tum apnay saath mera umer bhar ka maan lay jana
-
Shikista kay kuch raizay paray hein farsh par , chun lo
Agar tum jord sktay ho tu yeh guldaan lay jana
-
Udher almarion mein chand awraaq pareshan hein
Meray yeh baqimanda khuwab meri jan lay jana
-
Tumhein esay tu khali haath rukhsat kar nahi sktay
Purani dosti hay is ski kuch pehchan lay jana
-
Irada kar liya hay tum nein gar sach much bicharnay ka !
Tu phir apnay yeh saray wada-o-pemaan lay jana
-
Agar thori bohat hay shaery say un ko dilchaspi
Tu un kay samnay tum mera yeh diwaan laay jana
Tutta dil mera aur isey phir jod na saki,
usney to mod liya muh apna par me mod na saki
.
dekhti rahi us gali ke kone tak usko,
sochti rahi kya le gaya aur kya de gaya vo mujhko,
.
**** diya usney haath aur me **** hi na saki,
Jeena to ek taraf tha yaaro me thi ki maar bhi na saki,
.
aati rahi uski yaadain jaise jaise beete din,
Raato ko na soyi me, jaagi taaro’n ko gin,
.
Khud se tanha rehne lagi, duniya wale dur ki baat thi,
tha jisey pyar bahut us sey, me vo dewani thi,
Kabhi jo toot k barsa December…
-… Laga apna.. Bohat apna December!
.
Guzar jata hai sara saal yun to…
-…Nahin kat’ta magar tanha december..
.
.
More »