Latest SMS jokes / text Messages 2013



Category: Misc SMS Jokes | Total views: 2 | characters: 1621

tamanaon main uljahaya geya hon

Tamanaaon main uljhaaya geya hoon,
Khilone de ke behlaaya geya hoon,

Hoon iss kuuche ke har zaray se waqif,
Idhar se mudatton aaya geya hoon,

Nahin uthte qadam kyun jaanib-e-dair,
Kisi masjid main behkaaya geya hoon,

Dil-e-muztar se pooch ae raunak-e-bazm,
Main khud aaya nahin laaya geya hoon,

Savera hai bohat ae shor-e-mehshar,
Abhi bekaar uthvaaya geya hoon,

Sataya aa ke pehron aarzuu ne,
Jo dum bhar aap main paaya geya hoon,

Kuja main aur kuja ae Shad duniya,
Kahan se kis jagah laaya geya hoon..

The post Tamanaaon main uljhaaya geya hoon.. appeared first on Ranjish.com.




Category: Misc SMS Jokes | Total views: 3 | characters: 403

bastiyan ho gayin
Bastiyaan ho gayin be-naam o nishaan raaton raat,
Aese tuufaan bhi aaye hain yahan raaton raat..

The post Aese tuufaan bhi aaye hain yahan raaton raat… appeared first on Ranjish.com.


Category: Misc SMS Jokes | Total views: 2 | characters: 1815

Us ko juda huye bhi zamana bohat hua,
Ab kya kahen yeh qissa purana bohat hua,

Dhalti na thi kisi bhi jatan se shab-e-firaq,
Ae marg e na-gahaan tera aana bohat hua,

Hum khuld se nikal to gaye hain pr ae khuda,
Itne se waaqiye ka fasaana bohat hua,

Ab hum hain aur saare zamaane ki dushmani,
Iss aashiqi main jaan se jana bohat hua,

Ab tak to dil se dil ka taaruf na ho saka,
Maana ke us se milna milaana bohat hua,

Kya kya na hum kharab huye hain magar yeh dil,
Ae yaad-e-yaar tera thikaana bohat hhua,

Kehta tha naasehon se mere muu na aayio,
Phir kya tha ek huu ka bahana bohat hua,

Lo phir tere labon pe ussi bewafa ka naam,
Ahmed Faraz tujhe kaha naa bohat hua..

The post Us ko juda huye bhi zamana bohat hua.. appeared first on Ranjish.com.


Category: Misc SMS Jokes | Total views: 3 | characters: 389

uss ke jaane se ajab haal hai
Uss shokh ke jaane se ajab haal hai mera,
Jese koi bhoola hua phirta hai apna..

The post Uss shokh ke jaane se ajab haal hai mera.. appeared first on Ranjish.com.


Category: Misc SMS Jokes | Total views: 2 | characters: 929

Ab ku-e-yaar tere zamaane guzar gaye,
Jo apne ghar se aaye they woh ghar gaye,

Ab kaun zakham-o-zeher se rakhe ga silsila,
Jeene ki ab havass hai humen hum to mar gaye,

Ab kya kahoon ke saara mohalla hai sharamsaar,
Main hoon azaab main ke mere zakham bhar gaye,

Hum ne bhi zindagi ko tamaasha bana diya,
Uss se guzar gaye kabhi khud se guzar gaye,

Tha ran bhi zindagi ka ajab turfa maajra,
Yaani uthe to paaon magar Jon sar gaye..

The post Ab ku-e-yaar tere zamaane guzar gaye.. appeared first on Ranjish.com.